Хаартысканы Тускулаана ГОРОХОВА-КОБЕЛЬЯНОВА тиксэриитэ
Сунтаарга бу күннэргэ үс күн устата Алквиад Иванов аатынан Оҕо спортивнай олимпийскай эрэллэри бэлэмниир оскуолаҕа республикатааҕы оҕолорго аналлаах буокса күрэһэ тэриллэр. Күрэскэ сүүстэн тахса кыттааччы кэлбит.
Кэмпэндээйиттэн Алик Максимов ааспыт нэдиэлэҕэ НПК-ҕа кытта сылдьарын кɵрсүбүтүм, аны бу сырыыга буоксаҕа холонон эрэрин кɵрдүм. Алик курдук бу успуорт кɵрүҥүн ɵрɵ тутар уолаттар Сунтаарга түмсэннэр буокса риингэтигэр күɵн кɵрсɵллɵр. 1904 сылтан Олимпиадаҕа киирбит бокса кɵрүҥэ Сунтаарга быйыл тэриллибитэ 65 сыла. Бу успуорт кɵрүҥүн биһиги улууспутугар саҕалаабыт киһинэн Сϴ спорт үтүɵлээх үлэһитэ Яков Афанасьевич Васильев буолар, кини быйыл 90 сааһа, маны таһынан кини буоксаҕа иитиллээччитэ Евгений Яковлев төрөөбүтэ 75 сыла. Күрэс кинилэргэ ананан ыытылынна. Күрэскэ Дьокуускайтан, ϴлүɵхүмэттэн, Бүлүүттэн, Үɵһээ Бүлүүттэн, Ньурбаттан уопсайа 120 оҕо кыттар.
Ыалдьааччы, кɵрɵɵччү эмиэ элбэх, онтон биирдэстэрэ буоксанан умсугуйан дьарыгырбыт Егор Петров: «Кэнники сылларга Сунтаарга буокса сайдар, ɵссɵ нэһилиэктэринэн тренердэр бааллара буоллар», — диэн санаатын үллэстэр.
Билиҥҥи кэмҥэ биһиги улуустан буокса сулуһа Элгээйиттэн тɵрүттээх Михаил Варламов буолар. Кини соторутааҕыта тэриллибит аан дойдутааҕы профессиональнай боксаҕа кыайыылаах үрдүк аатын ылбыта. Күрэскэ тренер уонна бочуоттаах ыалдьыт быһыытынан кыттыыны ылар.
Буоксаҕа ааттаах, ситиһиилээх бэйэбит уолаттарбытын ɵрɵ тутуохха, ону кырачаан боксердарга билиһиннэриэххэ.
Тускулаана ГОРОХОВА-КОБЕЛЬЯНОВА
Саха сиринээҕи УГМС саайтын сабаҕалааһынынан, бүгүн, олунньу 11 күнүгэр, өрөспүүбүлүкэҕэ кыралаан хаардыыр, оттон арҕаа өттүгэр…
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…