Сунтаарга быйыл 73 кыбартыыралаах дьиэни тутан бүтэриэхтэрэ

Сунтаарга сыл бүтүүтэ 73 кыбартыыралаах дьиэ тутуллан бүтүө. Бу хаарбахтан саҥаҕа көһөрүү бырагырааматын иитинэн ыытыллар.

Саҥа тутулла турар 73 кыбартыыралаах дьиэ уопсай иэнэ 5,4 тыһ. кв. м тахса. Үлэ быйыл бэс ыйыттан саҕаламмыт. Билигин онно 18 киһи үлэлиир. Эбийиэк 40% бэлэм.

Манна даҕатан эттэххэ, бырагыраама иитинэн улууска 2025 сыл бүтүөр диэри 1112 киһини көһөрөр былааннаахтар. Бу бырагыраама иитинэн ыытыллар далааһыннаах үлэ Саха сиригэр тиһиктээхтик салҕанар.

СӨ Ил Дарханын уонна Бырабыыталыстыбатын пресс-сулууспата