Хаартыскаҕа Андрей Сорокин түһэриитэ, СИА
СӨ Ил Дархана Айсен Николаев бүгүн, от ыйын 26 күнүгэр, Сунтаар улууһун баһылыгын Анатолий Григорьевы кытары көрүстэ.
Дьыалабыай көрсүһүүгэ национальнай бырайыактарынан уонна федеральнай бырагыраамаларынан тутуллар социальнай эбийиэктэр тустарынан кэпсэттилэр.
Анатолий Григорьев быйыл оройуоҥҥа успуорт үс эбийиэгэ, кулууп уонна оскуолаҕа успуорт саала тутуллан үлэҕэ киирэллэрэ былааннанарын эттэ. Ол курдук, Сиэйэҕэ успуорт саалатын, Сунтаар сэлиэнньэтин Абаҕа микрооройуонугар култуура-успуорт комплексын, Хадаҥҥа успуорт саалатын, Маар Күөл оскуолатыгар успуорт саалатын, Кэмпэндээйигэ култуура дьиэтин киллэриэхтэрэ.
Ил Дархан үлэ-хамнас хаамыытын билсэн баран, хаачыстыбаҕа уонна этиллибит болдьоххо муниципальнай таһымҥа кичэллээх хонтуруол наадатын тоһоҕолоото. Маны сэргэ, сүөһү аһылыгын бэлэмнээһин боппуруоһун көрдүлэр.
Анатолий Григорьев бүгүҥҥү күҥҥэ Сунтаар улууһугар 3,5 туонна кэриҥэ от бэлэмнэниллибитин эттэ. Кини ардахтар түһэннэр, сүөһү аһылыгын бэлэмнээһиҥҥэ уустуктары көрсүбүттэрин, ол гынан баран, кэнники күн-дьыл туран, окко маассабайдык киирбиттэрин ыйда.
Григорьев маны сэргэ, ойуур баһаарыгар тохтоото. Кини этэринэн, оройуоҥҥа 7 баһаар бэлиэтэммитэ умулларыллыбыттар.
СӨ Ил Дархан уонна Бырабыыталыстыба пресс-сулууспата
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…