Хаартыска: sakha.gov.ru
Сунтаар улууһун Кириэстээх сэлиэнньэтин аттыгар “Соколиная коса” диэн сиргэ Бүлүү өрүскэ 20 тыһыынча сибиирдээҕи хатыыс ыаматын ыыттылар.
Тэрээһин «АЛРОСА» хампаанньа тулалыыр эйгэни уонна экологическай куттал суох буолуутун харыстааһын кэлим бырагырааматын чэрчитинэн оҥоһуллар. Балыктары Чернышевскайдааҕы балык собуотугар иитэн таһаарбыттар.
Экология, айылҕа харыстабылын уонна ойуур хаһаайыстыбатын министиэристибэтигэр хатыыһы иитэн айылҕаҕа ыытыы биэдэмистибэ сүрүн үлэтин хайысхата буолар. Бүлүү өрүскэ 2019-2023 сс. 140 тыһыынча устуука хатыыс ыытыллыбыта. Бүлүү бөлөх улуустарынан сыаналаах балык элбээбитин бэлиэтииллэр. Ол аата өрүс балыгынан туолуута үтүө түмүктэри көрдөрөр.
Экология министиэристибэтин былааныгар Саха сирин ууларынан атын сыаналаах көрүҥ балыктарын иитэн таһаарыы, элбэтии, харайыы буолар: чыыр, муксуун уонна тууччах. Чернышевскайдааҕы собуот хатыыс иитиитинэн 2018 сылтан Ил Дархан Айсен Николаев стратегическай Ыйааҕынан олоххо киллэриллэр. Өрүстэринэн уонна күөллэринэн балыгы үөскэтии дойду Бэрэсидьиэнэ Владимир Путин көҕүлээһининэн олоххо киллэриллэр, «Экология» национальнай бырайыак сыалларыгар уонна соруктарыгар эппиэттиир.
Бу үөрүүлээх тэрээһиҥҥэ СӨ Экология министирин солбуйааччы Анатолий Алексеев, Сунтаар улууһун баһылыгын бастакы солбуйааччы Николай Александров, «АЛРОСА» хампаанньа социальнай хааччыйыы уонна эрэгийиэннээҕи сайдыыга салайааччы Николай Франк уонна «Росрыболовство» Илин-Сибиирдээҕи управлениетын салайааччыта Николай Кучеров кыттыннылар.
Видео: «Сунтаар сонуннара» хаһыат
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…