Сунтаарга бырабыыталыстыба бөлөҕө үлэлиир

СӨ бырабыыталыстыбатын бэрэссэдээтэлин  солбуйааччы Георгий Степанов салайааччылаах отчуоттуур бөлөх Туойдаах нэһилиэгин олохтоохторун иннигэр ааспыт сыллааҕы үлэ түмүгүнэн отчуоту туруорар.

Туойдаахха 150-ча киҺи олорор. 9 кылаастаах оскуола 22  үөрэнээччилээх, уһуйааҥҥа 15 оҕолоох.
Оскуолаҕа быйылгы үөрэх дьылыгар икки учуутал кэлэн үлэлии сылдьарын, ФАП-ка биэлсэр күннэтэ олохтоохтор доруобуйаларын кэтээн көрөрүн туһунан иһитиннэрдилэр.

Бүгүҥҥү мунньахха нэһилиэнньэ хото кэлбит.

СӨ Үп миниистирин эбээһинэһин толорооччу, улуус куратора Иван Алексеев салайар үһүс бөлөҕө Кэмпэндээйи, Устье нэһилиэктэригэр үлэлиир.

Кинини сэргэ, отчуоттуур үһүс бөлөххө СӨ тутуу министиэристибэтин тутууга уонна олох-дьаһах политикатыгар департаменын салайааччытын солбуйааччы Гаврил  Иванов,СӨ гражданскай оборуонаҕа уонна дьон олоҕор куттал суох буолуутун хааччыйыы миниистири солбуйааччы Никита  Павлов кэллилэр.

Ону тэҥэ улуус өттүттэн эппиэттээх тэрилтэ салайааччыларын састаабын улуус баһылыгын экономическай сайдыыга уонна стратегическай былааннааһыҥҥа солбуйааччы Борис  Васильев салайар.

Елизавета ТИТОВА, Яина ВЛАСЬЕВА

@suntaar_sonunnara