Сунтаар улууһун дьаһалтатын хаартыската
Бырабыыталыстыба сыллааҕы үлэтин отчуота Сунтаар улууһугар саҕаланна. СӨ бырабыыталыстыбатын бэрэссэдээтэлин солбуйааччыта Михаил Никифоров салайааччылаах 4 бөлөх 3 күн устата, барыта 26 нэһилиэккэ отчуоту туруоруохтара. Бастакы бөлөх үлэтин Кутана уонна Элгээйи нэһилиэктэриттэн саҕалаата.
Мунньахха өрөспүүбүлүкэҕэ бара турар үлэлэри уонна ааспыт сылга тутуу, доруобуйа харыстабыла, тыа хаһаайыстыбата курдук араас эйгэлэргэ ыытыллыбыт көдьүүстээх үлэлэри ымпыгар-чымпыгар тиийэ кэпсээтилэр. Нэһилиэнньэ икки сыл субуруччу отчуоту ВКС нөҥүө истэ-билэ олорбут буоллахтарына, бу сырыыга илэ көрсөн кэпсэтэр, тустаах ыйытыктарга тута эппиэти ылар учугэйин бэлиэтээтилэр.
Кутана нэһилиэгэр социальнай эбийиэктэр үгүстэрэ саҥа тутуулар, арай саҥа култуура дьиэтэ уонна балыыһа тутуута наадалааҕын ыйдылар. Бу боппуруоһу олохтоохтор туруорсубуттара 10-ча сыл буолбут. Быйыл оскуоланы саҥардыыга капитальнай өрөмүөн ыытыллыаҕа.
Доруобуйа харыстабылыгар анал идэлээхтэр тиийбэттэрин ыйдылар. Ол курдук исписэлиистэринэн хааччыллыы 75 бырыһыаҥҥа эрэ тиийэн турар. Билигин целевой үөрэхтээһини ылсан, сыл ахсын 6 киһини үөрэттэрэргэ үлэ бара турар. Онон 5-6 сылынан балаһыанньа көнүө диэн сабаҕалыыллар.
Кутаналар отчуоту истээри, сыаналаары сааланы толору муһуннулар. Ол эрээри, урукку сылларга боппуруостара, этиилэрэ элбэх буоллаҕына, бу сырыыга тоҕо эрэ симиктэр. Ол, дойдуга буола турар балаһыанньанан, дьон долгуйуутуттан, олох таһыма, сокуон уларыйа турарыттан сибээстээх буолуон сөп. Мунньахха киирбит этиилэри сурукка тиһэбит:
1. Үлэ-хамнас олус үчүгэйдик барар эрээри, олох хаачыстыбатын туруга мөлтөх. Социальнай тутуулар ситэтэ суохтар.
2. Мэнээктээбит ыттары дьаһайыыга харчыны кутан биэрбэккэ, олохторугар тэмтэрийбит дьоҥҥо анал интернат арыйан, көнөр суолга туруоруохха.
3. Биһиги сахалар уруккуттан бултаан аһыыр дьоҥҥо, булт сокуонугар эмиэ бобуу-хаайыы күүһүрдэ. Маны сөбүнэн көрөн, сааһылаан биэриэххэ наада.
4. Cаханы элбэтиигэ үлэ барар буоллаҕына, тыа сиригэр улахан болҕомто ууруллуон наада. Дьиҥнээх сахалыы иитиилээх дьон, тыа сириттэн тахсаллар.
Маннык этиилэри киллэрэн туран, кутаналар ситэриилээх былаас үлэтин биһириибит диэн сыаналаатылар.
Улуус дьаһалтатын пресс-сулууспата
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…