Уот, ньиэп, бородуукта сыаната тоҕо күн-түүн үрдүү турарый? Гаас ситимэ хаһан тардыллыаҕай? Хамнас алын кээмэйэ үрдүк хамнастаахтары кытта хаһан тэҥнэһиэҕэй?
Маннык күннээҕи кыһалҕа буолбут, сытыы боппуруостары СӨ бырабыыталыстыбатын сыллааҕы үлэтин отчуотугар Сунтаар олохтоохторо туруорустулар.
Тутуу, ОДьКХ, экономика курдук тутаах министиэристибэлэр салайааччыларын кытта, этэргэ дылы, атах тэпсэн олорон, бэрт сэргэх кэпсэтии таҕыста. Ыйытыкка 3, оттон этиилэргэ 5 мүнүүтэ регламент тутуһуллан, мунньах хаамыыта сайдан истэ. Олохтоохтор боппуруостара олус интэриэһинэйдэр уонна тоҕоостоохтор диэн бэлиэтээтилэр.
Федеральнай суол нэһилиэк иһинэн ааһар, маныаха сатыы дьон сылдьарыгар тротуар суох, хаһан оҥоһуллуоҕай, диэн ыйытыкка 2024 сылга диэри суол толору оҥоһуллуоҕа диэн үчүгэй эппиэти ыллыбыт.
Оҕолор куоракка күрэхтэргэ кытта баралларыгар, айанныыр автобустара табыгаһа суох. Ыраах айаҥҥа сылайан тиийэллэр, диэн төрөппүт ыйытыытыгар хоруй маннык буолла. Өрөспүүбүлүкэҕэ хас да техника кэлэн түҥэтиллиэхтэрэ, Сунтаар улууһа 7 автобуһу ыларга сайаапка түһэрбит.
Өрүс биэрэгин бөҕөргөтүүгэ, үлэ хаамыытын түргэтитиэххэ наада. Быйыл ол миэстэҕэ улахан эбийиэк, политехническэй лицей тутуута саҕаланыаҕа. Биэрэк сырыынньата суолга чугаһаан турар. Бу ыйытыкка, хайаан да бу боппуруоһу үөрэтэн, быһаарыахпыт диэтилэр.
Тутуу, промышленность тэрилтэлэрэ суол-иис конструкцията уустугунан уонна өрөспүүбүлүкэ кииниттэн тэйиччи сытарынан сибээстээн, матырыйаалы тиэйиигэ таһыыга, сыана үрдүгүнэн уустуктары көрсөбүт диэн эттилэр.
Маны таһынан, олус элбэх ыйытыылар, туруорсуулар турдулар. Оттон тустаахтар сөптөөх эппиэти ыллылар диэн сыаналыыбыт. Үөрүүлээх уонна бырабыыталыстыба делегациятын салайааччыта Михаил Никифоров отчуот хаамыытын, тустаах салайааччылар хоруйдарын олус бэркэ аттаран, наардаан, дьаһайан ыыппытын, кэлбит салайааччылар таһымнара үрдүгүн олохтоохтор астынан бэлиэтээтилэр.
@suntaar_ulus
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…