Сунтаарга Өрөспүүбүлүкэ күнүнэн эдэр ыалларга сэртипикээттэри туттардылар

Сунтаарга Өрөспүүбүлүкэ күнүнэн эдэр ыалларга сэртипикээттэри туттардылар

Ааптар:
27.04.2023, 09:30
@suntaar_ulus
Бөлөххө киир:

Саха саргыта — үүнэр көлүөнэ сөптөөхтүк иитиллэн тахсыытыттан, кинилэр уйгулаах олохторуттан быһаччы тутулуктаах.

Саха Өрөспүүбүлүкэтин өрөгөйдөөх күнүн бэлиэтиир тэрээһиҥҥэ, Сунтаарга 15 ыалга алаһа дьиэлэнэллэригэр сэртипикээттэри  туттардылар. Маннык үөрүүлээх түгэҥҥэ, «Эдэр ыалы дьиэнэн хааччыйыы» тус сыаллаах субсидияны үрдүкү сыанаҕа туттарыы, үтүө үгэскэ кубулуйда.

Сунтаар улууһугар быйыл Төрөөбүт төрүт тыл сыла биллэриллэн, бэлиэ күн икки бүк үөрүүлээх буолла. С.Зверев — Кыыл Уолун аатынан норуот айымньытын киинигэр
«ТЫЛ СҮБЭТИН түһүлгэлэрэ» үлэлээтилэр. Ийэ тылбыт сарсыҥҥытын Сунтаар бүгүн түстээтин, диэн санаанан нэһилиэктэр бэрэстэбиитэллэрэ хас да былаһааккаларга арахсан бырайыактары суруйдулар. 9 үлэ турбутуттан барытын түмэ тардан биир улахан бырагыраама оҥоһуллуоҕа.  Улуус дьаһалтатын үбүлээһининэн, 3 сылга болдьохтоох бырайыак олоххо киириэҕэ.

Маны таһынан улуус баһылыга Анатолий Григорьев өрөспүүбүлүкэ, улуус сайдыытыгар үлэлии сылдьар дьоммутугар үрдүкү таһымнаах наҕараадалары туттарда. Кинилэр үлэлэрин хаачыстыбатыттан, биһиги инникибит түстэнэр.

Мелодист Иван Иванов салайааччылаах Тойбохойдооҕу оркестр тыыннаах доҕуһуолунан  үөрүүлээх тэрээһини киэргэттэ. Дойдуга тапталы, бэриниилээх буолууну көҕүлүүр ырыа-тойук уруйданна.

Бүгүн Л.Попов аатынан киин бибилэтиэкэҕэ «Кыайыы дьыктаана» аахсыйа ыытыллыаҕа.

Саха сарсыҥҥыта тирэхтээх буоллун,
Кэнчээри ыччаппыт кэскиллээх буоллун!!!

@suntaar_ulus

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
13 июля
  • 31°C
  • Ощущается: 30°Влажность: 35% Скорость ветра: 4 м/с

Сообщить об опечатке

Текст, который будет отправлен нашим редакторам: