Сунтаарга этиҥнээх, чаҕылҕаннаах ардах түстэ (ВИДЕО)

Share

Балаҕан ыйын 26 күнэ үүнэр түүнүгэр Сунтаар улууһугар сайыҥҥылыы этиҥнээх, чаҕылҕаннаах, дохсун ардах түстэ. Ардах Хочо өттүгэр — Тойбохой, Маар Күөл, Уһун Күөл, Дьаархан бөһүөлэктэригэр түспүт.

Хаартыска: Х.Иванова видеотуттан.Чаҕылҕан чаҕылыйар кэмигэр сып-сырдык буолбут.

— Киэһэ самыыр барбах түһэ турбута, онтон күүһүрэн барбыта. Утуйаары сыттахпытына, улахан тыас тыаһаабытыгар, ханна эрэ эстии буолла дуу диэн олус соһуйбуппут. Баччаларга этиҥ этиэ эрэ дии санаабатахпыт. Онтубут, доҕоор, өссө чаҕылҕаннаах, чаҕылыйан сүрдээх этэ, тыас-уус бөҕө, — диэн дойдутугар баран, сынньана сылдьар Мария Павлова кэпсээтэ.

Санаттахха, Сунтаар улууһугар ураты, кыһыннары сылаас күн-дьыл турааччы. Сорох сыл сэтинньи саҕаланыыта кытта ардах түһэн соһутааччы. Оттон күһүн этиҥнээх ардах түһүөн сөп дуо?

Ардах туохтан үөскүүрүй? Сылаас салгын үөһэ халлааҥҥа тахсан, тымныы салгыны кытары көрсүһэр, паар үөскээн, былыттарга сөҥөр. Бу кэмҥэ  сылаас эниэргийэ үөскээн, өссө үрдүккэ, тымныы араҥаҕа тахсар. Онно түргэнник тоҥон баран, аллараа түһэригэр күүстээх тыал үөскүүр. Уу бытархай хааппылалара тоҥон баран, «положительный заряд» үөскэтэллэр, оттон бөдөҥ таммахтар убаҕас туругунан хаалаллар уонна «отрицательный заряд» үөскэтэллэр. Салгын хамсыыр кэмигэр бу таммахтар бэйэ-бэйэлэрин кытта харсыһаллар, ол түмүгэр элэктэриичэстибэ  үөскээн, чаҕылҕан курбуулуур.

Оттон күһүн тоҕо оннук буолбатый? Күһүҥҥү ыйдарга Күн намтаан, салгыны үчүгэйдик сылыппат. Онон сылаас салгын үрдүккэ кыайан тахсыбакка хаалар. Сылаас уонна тымныы араҥалар көрсүспэттэр, онон элэктэриичэскэй заряд үөскээбэт. Онон күһүн этиҥэ суох ардахтар түһэллэр. 

Ол эрээри, сэдэх түгэннэр баар буолаллар. Сылаас муораттан сылыйбыт салгын эмискэ кэлэн баран, үөһээ тымныы салгыны кытта харсыһыан сөп. Сунтаарга, Ньурбаҕа, Ленскэйгэ Бүлүү ГЭС-ин муората дьайар, ол иһин сылаас диэччилэр.

Онон Сунтаарга  сэдэх көстүү буолбут — күһүҥҥү этиҥнээх, чаҕылҕаннаах ардах түспүт.

Recent Posts

  • Сонуннар
  • Уопсастыба

Владимир Путины Саха сиригэр «Кэлэр кэм туочукатын» аһыллыытыгар ыҥырдылар

Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…

7 часов ago
  • Сонуннар
  • Уопсастыба

Саха сирин олохтоохторун өрөспүүбүлүкэ норуоттарын национальнай бырааһынньыктара түмэр

“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…

7 часов ago
  • Сонуннар
  • Уопсастыба

«Дойду» быыстапка: Татыйаас Филиппова фотопоэзията

Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…

7 часов ago
  • Сонуннар
  • Уопсастыба
  • Үөрэх

Бастакы экспонаттан саҕалаан билиҥҥи саҕахтары арыйыы

Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…

8 часов ago
  • Сонуннар
  • Уопсастыба

Экэниэмикэ сайдар буолан уоту туһаныы улаатар

Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…

8 часов ago
  • Сонуннар
  • Уопсастыба

Бэрэсидьиэн сорудаҕынан дойдуга дьиэ кэргэни өйүүр тиһиги тупсарыахтара

Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…

8 часов ago