Хаартыска: СИА.
Кэнники кэмҥэ улуустарга элбэх социальнай эбийиэктэр тутуллан киирэллэр. Онуоха федеральнай да, өрөспүүбүлүкэтээҕи да бырагыраамалар төһүү күүс буолаллар. Сунтаар улууһун Тутуу комплексын управлениетын исписэлииһэ Михаил Пахомов быйыл «Хаарбах дьиэттэн көһөрүү» өрөспүүбүлүкэтээҕи бырагырааманан олорор дьиэлэр тутуллубуттарын туһунан кэпсээтэ.
— Сунтаар улууһа «Хаарбах дьиэттэн көһөрүү» өрөспүүбүлүкэтээҕи бырагыраамаҕа 2019 сылтан үлэлиир. Улууска хаарбах туруктаах олорор дьиэ уопсай кээмэйэ 39 512 кв.м. буолар, 1509 киһи көһөрүүнү кэтэһэр. Бырагыраамаҕа барыта 14 нэһилиэк кыттар.
Бу кэмтэн 13 535 кв.м. иэннээх, барыта 243 кыбартыыралаах 9 дьиэ тутуллан киирбитэ. Ол курдук, Сунтаар сэлиэнньэтигэр «70 лет Октября» уулуссаҕа 4 этээстээх олорор дьиэ уонна өссө биир дьиэ, Октябрьскай уулуссаҕа 5 этээстээх дьиэ, 4 этээстээх дьиэ, Сунтаар уулуссаҕа 73 кыбартыыралаах дьиэ, маны тэҥэ Илимнииргэ, Туойдаахха, Аллаҥаҕа, Кутанаҕа тутуллубуттара.
Күн бэҕэһээ Устье сэлиэнньэтигэр 30 кыбартыыралаах дьиэ тутуллан, үөрүүлээх быһыыга-майгыга олохтоохторго күлүүстэрин туттардыбыт. Олунньуга 73 кыбартыыралаах дьиэ 3-с подъеһа тутуллан киирбитэ. Хадаҥҥа 8 кыбартыыралаах дьиэ уонна 4-түү кыбартыыралаах икки дьиэ тутуллан, кулун тутарга киирбиттэрэ. Күүкэйгэ 4 кыбартыыралаах дьиэ тутулла турар. Куокунуга 4 кыбартыыралаах дьиэ тутуллан киирдэ.
Кэмпэндээйигэ тутуллуохтаах 32 кыбартыыралаах дьиэҕэ сыбаайалара түһэн, тутуу бара турар. Сунтаарга «Сунтаар» уулуссаҕа 73 кыбартыыралаах дьиэ тутулла турар. Партизан уулуссатыгар 86 кыбартыыралаах дьиэ тутуллуохтаах.
Онон Сунтаар улууһугар бу бырагырааманан билиҥҥитэ 18 785 кв.м. иэннээх хаарбах дьиэттэн дьон көһөрүлүннэ. Күүстээх үлэ салҕанар. Бу бырагыраама судаарыстыба дьон олоҕун хаачыстыбата тупсарыгар туһуламмыт буолан, олохтоохтор махтаналлар, үөрэллэр, — диэн кини бэлиэтээтэ.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…