https://t.me/suntaar_ulus
Сунтаарга икки күн устата хапсаҕай күрэһэ буолан ааста. Өрөспүүбүлүкэтээҕи күрэххэ спорт маастардара, чаҕылхай спортсменнар, хапсаҕайы сэҥээрээччилэр муһуннулар.
Спорт хас да көрүҥүн, чуолаан хапсаҕай, көҥүл тустуу чаҕылхай спортсмена Василий Федотов аатынан күрэх, аан бастакытын 20 сыл анараа өттүгэр физкультура учууталынан үлэлии сылдьыбыт Бордоҥ нэһилиэгэр ыытыллыбыта. Быйылгы күрэскэ, барыта 118 бөҕөс 11 улуустан уонна Иркутскайтан Александр Хамаганов күрэс былдьастылар.
Бүлүүттэн Николай Николаев, Кэбээйиттэн Иван Семенов, Үөһээ Бүлүүттэн Семен Тимофеев, Ньурбаттан Василий Афанасьев, Сунтаартан Револий Самсонов, Айсен Килибеев, Александр Львов курдук Саха сирин маастардара кэлэн күрэҕи киэргэттилэр.
Василий Федотов утарсааччытын хонноҕун анныттан ылан быраҕаттыырын күн бүгүҥҥэ диэри үһүйээн курдук ахтар-саныыр дьон элбэх. Күрэххэ Хаҥалас хапсаҕайыгар 150 киилэ ыйааһыннаах бөҕөһү судургутук ылан бырахпыт, биһиги биир дойдулаахпыт Айсен Килибеев эмиэ кытынна, чөмпүйүөн аатын ылла.
1 мөлүйүөн солкуобай бириис пуондалаах күрэх чөмпүйүөннэрэ 100-түү тыһыынча солкуобайынан наҕараадаланнылар, маны тэҥэ муҥутуур кыайыылааҕы быһаараннар Аар дарханнар ааттаннылар. Маннык таһымнаах күрэс түһүлгэтэ спорду сэҥээрээччилэргэ умнуллубат хабыр хапсыһыылары бэлэхтээтэ.
Уолаттарга ААР ДАРХАН:
Кэбээйиттэн Вячеслав Ноговицын.
Эр дьоҥҥо 75 кг диэри Кэбээйиттэн ААР ДАРХАН Иван Семенов.
75 кг үөһээ ААР ДАРХАН Сунтаартан Револий Самсонов.
Бэтэрээннэргэ ААР ДАРХАН Ньурбаттан Василий Афанасьев.
Алквиад Иванов аатынан спорт манеһыгар, аны кулун тутарга Николай Тарскай түһүлгэтигэр көрсүөхпүт.
Сунтаар улууһун дьаһалтатын пресс-сулууспата
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…