Сунтаарга — хапсаҕай күрэһэ

Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара Баһылай Федотов сырдык аатын үйэтитэр хапсаҕай күрэһэ үгэскэ кубулуйда.

Бу сырыыга 158 бөҕөс кэлэн ким күүстээҕин тургутар. Эр дьон, оҕолор, бэтэрээннэр кыайыылаахтарыгар 100, 50, 30 солк. туттарыллыахтара. Саамай ыраахтан Амматтан хамаанда кэлэн күрэстэһэр, ону кытта Орто Халыматтан, Эдьигээнтэн биирдии бөҕөс кэлэн кытталлар. Күрэһи Көрдүгэн бэйэтинэн кэлэн түсчүттүүрэ чаҕылхай! Баһылай уола Дьэргэстэй кэлэн өрө көтөҕүллэр. Дьэ, Сунтаар дьоно эбиэт кэннэ финал, киириитэ 100 солк. Кэлэн көрүҥ, сэргээҥ, бэйэбит дьоммутугар ыалдьыҥ.

Бу күрэскэ «А» категорияҕа маастар нуорматын толорор кыах бэриллэр.

Тускулаана Горохова-Кобельянова