Сунтаарга «Ийэ уонна кыыс» куонкурус кыайыылаахтарын быһаардылар

Сунтаар нэҺилиэгин «БартыҺаан» култуура киинигэр Аан дойдутааҕы дьиэ кэргэн күнүн чэрчитинэн  улуустааҕы «Ийэ уонна кыыс» куонкурус  буолан ааста.

Бу куонкурус 2013 сылтан 7-с төгүлүн ыытылынна. Төрүттээччинэн Сардаана Константиновна Никитина буолар. Ол кэннэ ЯРО ВОД  «Матери России бу куонкуруһу өрөспүүбүлүкэтээҕи хабааннаах тэрийэр буолбута.

Быйылгы  куонкуруска уопсайа 4  хамаанда (ийэлээх кыыс) кытыннылар. Сунтаардааҕы «Матери России» түмсүү бу куонкуруска спонсорынан кытыннылар, уонна дьүүллүүр сүбэҕэ  — Амаана Марха кыыҺа уонна Лидия Филиппова кытыннылар, ону тэҥэ  бэйэтин «Корона» фирматын аатыттан «Матери России» көхтөөх чилиэнэ Надежда Львова кытынна.

Куонкурус түмүгүнэн:

• 1.Кылаан кыайыылаахтар — Альмира, Далаана Ивановалар буоллулар!
• 2.»Талба талааннаах Ийэ уонна кыыс» номинация — Юлия, Виолетта Генеровалар!
• 3.»Истиҥ сыһыаннаах Ийэ уонна кыыс» номинация — Виктория, Эльза Васильевалар!
• 4.»Кэрэ эйгэлээх Ийэ уонна кыыс» номинация — Варвара, Камилла Ивановалар!

Бары кыайыылаахтар  дипломнарынан уонна сыаналаах бириистэринэн наҕараадаланнылар. Кылаан кыайыылаахтар күҺүн Дьокуускай куоракка  өрөспүүбүлүкэтээҕи «Ийэ уонна кыыс» куонкуруска Сунтаар чиэҺин көмүскүү барыахтара.