Икки киһини өлөрөн баран уоттаабыт киһи 20 сылга хаайыыга барыаҕа

Саха сирин Үрдүкү суута Сунтаар улууһун 36 саастаах олохтооҕун 20 сылга кытаанах эрэсиимнээх хаайыыга ыытар туһунан бириигэбэрдээтэ. Бу киһи икки киһини өлөрбүт уонна уоттаабыт диэн суут пресс-сулууспата иһитиннэрэр.

Санатан суруйдахха, бу быһылаан Кутана сэлиэнньэтигэр быйыл олунньуга буолбут. Эр киһи икки киһини өлөрүүгэ буруйданна: биир киһини этиһии кэмигэр луомунан төбөҕө охсубут, оттон дьахтарга сүгэлээх саба түспүт. Ол кэнниттэн буруйун кистээн, быһылаан буолбут дьиэтин умаппыт.

Суут сууттанааччы эмсэҕэлээччигэ 2,5 мөл.солк. моральнай хоромньуну уонна 1,7 мөл.солк. материальнай хоромнуьуну төлүүргэ эбээһинэстээбит.

Бириигэбэр сокуоннай күүһүгэр киирэ илик.