Сунтаарга кэлэр нэдиэлэҕэ -60 кыраадыска диэри тымныйыаҕын сабаҕалыыллар

Кэлиҥҥи сылларга Сунтаарга  -60 кыраадыс тымныы өтөрүнэн буола илик. Арай ааспыт сылга -55 кыраадыска тиийэ сылдьыбыттаах. Тымныы түһэр түгэнигэр төһө бэлэмнээхпитий?

Онуоха улуус дьаһалтата суһал хамыыһыйаны тэрийэн, сүбэлэһэн, хочуолунайдар үлэлэрин, туруктарын көрдүлэр. ОДьКХ тэрилтэтиттэн ураты   сылааһынан хааччыйар чааһынай алта дьоҕус хочуолунайдар бааллар.

«Сунтартеплоснаб» тэрилтэтэ барыта 3 хочуолунайдаах, 3 улахан эбийиэги кытта чааһынай дьиэлэргэ эмиэ сылааһы биэрэллэр. Лесной оскуола урукку сылларга тымныы буоллаҕына, быйыл улахан оһоҕу ыланнар кыһалҕа тахсыбат. Саҥа оһоҕу тымныы дьылларга көмө быһыытынан туһаналлар. Оттук саппааһа кэлэ турар, онон мэлдьи да буоларын курдук, халлаан туруга уларыйар кэмигэр бэлэммит дииллэр. Хас биирдии эбийиэккэ уот барар түгэнигэр улахан кыамталаах дизеллэр үлэлииллэр.

Нэһилиэнньэ нус-хас олоҕун хааччыйар тэрилтэлэр бэлэмнэнии уонна сэрэтии үлэтин кэмигэр ыыталлар. Ордук Сунтаардааҕы РЭС тэрилтэтигэр саахал тахсыбатын туһугар болҕомто ууруллар. Санатан этэр буоллахха, нэһилиэнньэ 70%-на уотунан ититиигэ холбонон олорор. Онон ноҕурууска тахсыбатын туһугар, эбилик оһоҕунан оттуҥ диэн,  нэһилиэнньэни ыҥыраллар.

Сунтаар улууһун дьаһалтатын пресс-сулууспата