Хаартысканы Тускулаана ГОРОХОВА-КОБЕЛЬЯНОВА тиксэрдэ
Сунтаар киин балыыһата Аҕам саастаах дьоннор күннэрин уратытык бэлиэтээтэ. Сибиэрэп киинигэр доруобуйа харыстабылын бэтэрээннэрин уонна эдэр үлэһиттэрин түмэн көлүөнэлэр көрсүһүүлэрэ олохтонно.
Биһиги балыыһабытыгар быйыл 11 саҥа үлэһит: врач-окулист Алгыстаана Яковлева, врач-рентгенолог Афанасий Яковлев, врач-стоматолог Анора Петрова, медсестра Альмира Копылова, фельдшер Вячеслав Петров, старшай медсестра Мария Шадрина, медсестра Николина Игнатьева, медсестра Анна Егорова, лаборант Татьяна Милютина, медсестра Анастасия Тимофеева, медсестра Аксиния Слепцова кэлбиттэр. Бу киэһэ кинилэри кытта билистибит, саҥа үлэлии кэлбит маҥан халааттаах эмчиттэр мэктиэ (андаҕар) тылларын иһиттибит. Ол кэннэ «кырдьаҕастан алгыһын, эдэртэн эйэтин ыл» диэн өс хоһоон этэринии бэтэрээннэр санааларын этиннилэр, үксүн болҕомтолоох, дьон кыһалҕатын сөпкө өйдөөн, үтүө суобастаахтык үлэлээҥ диэн баҕа санааларын эттилэр. Сунтаар киин бибилэтиэкэтин үлэһиттэрэ кэлэн викторина ыытыллар, толору астаах фуршет, үлэһиттэр өлгөм үүнүүлэриттэн бэлэмнэммит бириистээх лотерея оонньонно. Бу күн күүс-көмө буолбут спонсордарга «Харандаас», » Альфа», «Артемка», «Toolbox”, «Корона» маҕаһыыннарга барҕа махталларын биллэрэллэр.
Бу тэрээһиҥҥэ түсчүттээн олус астынным, астынным эдэр-эмэн биир ситиминэн аһаҕас кэпсэтии тэрийбитигэр, эһиил Киин балыыһа 110 сылыгар аныгы, тупсаҕай кинигэ тахсарыгар видео ахтыы хомуллубутугар, балыыһа үлэһиттэрэ аҕам саастаах дьонноругар бэйэлэрэ оҥорбут барыанньаларын, тэллэй, хаппыыста тууһаабыттарын бэлэхтээбиттэрин көрөн-истэн, минньигэс астаах сандалыларыгар ыалдьыттаан…
Тускулаана ГОРОХОВА-КОБЕЛЬЯНОВА
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…