Сунтаарга көҥүлэ суох мас кэрдибит киһи сууттаныаҕа

Сунтаар улууһугар 43 саастаах киһи көҥүлэ суох мас кэрдэн сууттаныаҕа диэн СӨ Борокуратуурата иһитиннэрэр.

Силиэстийэ дааннайдарынан, бу киһи мас кэрдэргэ тустаах докумуоннары ылбакка эрэ Сунтаардааҕы лесничество учаастагын территориятыгар сылдьан, 609,20 куб.м. бэс маһы кэрдибит. Салгыы бу мастарын атыылаабыт. Бу дьайыытынан тыа пуондатыгар 3,4 мөл.солк. тахса суумалаах хоромньуну оҥорбут.

Холуобунай дьыала суукка ыытыллыбыт.