Андрей Сорокин хаартыскаҕа түһэриитэ, ЯСИА
Сунтаарга 450 миэстэлээх политэхиньиичэскэй лиссиэй-интэринээт тутуутун СӨ Ил Дархана Айсен Николаев бэрэбиэркэлээтэ.
Үөрэх тэрилтэтэ РФ Бэрэсидьиэнэ В.Путин көҕүлээбит «Ыччат уонна оҕолор» национальнай бырайыак сыалын уонна соругун толорор «Үөрэҕи сайыннарыы» РФ судаарыстыбаннай бырагырааматын иитинэн тутуллар.
Бүгүҥҥү күҥҥэ тутуу 70% бэлэм. Уопсайа алта тыһ. кв.м. иэннээх тутуу үс мэндиэмэннээх. Билигин тутууга 74 исписэлиис үлэлиир. Лиссиэй-интэринээти сыл бүтүүтүгэр үлэҕэ киллэрэр былааннаахтар.
—Бу өрөспүүбүлүкэҕэ биир саамай биллэр уонна суолталаах кыһанан буолар. Дириэктэр Олег Сосин политэхиньиичэскэй үөрэхтээһини сайыннарыыга этиилэри билиһиннэрдэ. Олор болҕомтону ылаллар. Бу наадалаах бырайыагы олоххо киллэрэргэ кыттааччыларга махтаныахпын баҕарабын. Тутуу кэмигэр уустуктар үөскүү сылдьыбыттара эрээри, ону быһаарарга үлэлэр ыытылланнар, бары сэрэтиилэр туоратыллыбыттара. Бүгүн тутуу салҕанар: матырыйааллар барыта аҕалыллыбыттар, үлэ көхтөөхтүк ыытыллар. Бэдэрээтчит тэрилтэ уонна судаарыстыбаннай сакаасчыт сулууспатын салалтата эбийиэк ахсынньы бүтүүтүгэр бэлэм буоларыгар эрэллээхтэр. Бу улууска үөрэх ситимин эйгэтигэр эрэ буолбакка, өрөспүүбүлүкэҕэ бүттүүнүгэр ордук суолталаах, — диэн этэр Ил Дархан.
Сунтаардааҕы политэхиньиичэскэй лиссиэй-интэринээт дириэктэрэ Олег Сосин саҥа тутуу улууска үөрэх ситимэ сайдыытыгар улахан тирэх буоларыгар эрэнэрин биллэрдэ.
—Биһиэхэ бу аныгы дьиэ эрэ буолбатах, бу үөрэх бырагыраамалырын хаачыстыбалаах саҥа таһымҥа олоххо киллэрэргэ кыаҕы биэрэр кыһа. Манна бары улуустартан оҕолор үөрэниэхтэрэ. Биһиги лиссиэй-интэринээт дьоҕурдаах, талааннаах оҕолору такайан, үөрэтэн таһаарыыны салгыырыгар эрэнэбит, — диэн бэлиэтээтэ.
Саха сирэ кэнники сылларга үөрэх эбийиэктэрин тутууга түргэн тэтимҥэ таҕыста. 2018 — 2025 сс. өрөспүүбүлүкэҕэ 169 үөрэх эбийиэгэ тутулунна.
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаларга түһэриитэ, ЯСИА
Сиһилии: https://www.sakha.gov.ru/news/10456
Урут оҕо сылдьан аҕабынаан убайбытыгар окко көмөлөhөрбүт. Киэhэ алааспытыгар, үүтээн таhыгар утуйаары сылдьан бары остуолга…
Хаҥалас улууһун 58 саастаах олохтооҕо быраатын өлөрөн, РФ Холуобунай кодексын 105 ыст. 1 ч. сууттанна. …
Өрүү сакалаат сиэххин, кофе иһиэххин баҕарар буоллаххына, эйиэхэ магнийдаах бородуукта тиийбэт диэн исписэлиистэр этэллэр. Оттон…
Былатыан Ойуунускай аатынан Саха академическай тыйаатыра бу айар сылга ураты суолталаах премьераны бэлэмниир. Өрөспүүбүлүкэ биллиилээх…
Бу нэдиэлэҕэ Дьокуускай куоракка 32 суол быһылаана тахсан, 3 киһи араас эчэйиини ыллылар. Бу туһунан …
Саха сиригэр былырыын иллэрээ сыллааҕар элбэх турист кэлэн барда. СӨ Урбаан, эргиэн уонна туризм министиэристибэтэ…