Сунтаарга матасыыкыллар харсыһыыларыгар эдэр киһи суорума суолланна

Сунтаар улууһун Куокуну сэлиэнньэтигэр бүгүн, от ыйын 29 күнүгэр, 04:40 чаас саҕана  Regulmoto уонна SK250 матасыыкыллар харсыспыттар. Саахал түмүгэр 22 саастаах суоппар тыына быһынна диэн СӨ Госавтоинспекцията иһитиннэрэр.

Иккис матасыыкылы ыытан испит 16 саастаах оҕо эчэйбэтэх. Саахал кэмигэр суоппардар мотошлемнара суох сылдьыбыттар.

Саахал миэстэтигэр ГАИ үлэһиттэрэ уонна силиэстийэлиир-суһал бөлөх үлэлииллэр.