Сунтаарга оҕоҕо ыт саба түстэ

Сунтаар улууһугар бэйдиэ сылдьар ыт оҕоҕо саба түспүтүн иһин улуус борокуратууратын ирдэбилинэн эмсэҕэлээбит оҕоҕо 30 тыһ.солкуобай төлөтөр туһунан суут уурааҕа таҕыста.

Ол курдук, эмсэҕэлээбит оҕо ийэтэ үҥсүүтүнэн, борокуратуура быһылаан тула бэрэбиэркэ ыытан баран, оҕо быраабын көмүскээтэ. Быһылаан Сунтаар бөһүөлэгэр таҕыста.

Олохтоох дьаһалта  498№-дээх «Кыылга эппиэтинэстээх уонна амарах сыһыан туһунан» сокуону кэһэн, хаһаайына суох ыты көрүүгэ-истиигэ сөптөөх миэрэни ылбатаҕыттан сылтаан оҕо эмсэҕэлээтэ. Борокуратуура оҕо интэриэһин көмүскээн олохтоох дьаһалтаттан 30 тыһ.солк. суумманы төлөтөр туһунан ирдэбил түһэрдэ.