Сунтаарга оҕолор хапсаҕайга күрэхтэстилэр

Сунтаар ааттаах тустууктарынан биллэр. Бу успуорт кɵрүҥэр ыччаты күүскэ дьарыктыыллар. Кэнники кэмҥэ оҕо успуордун ɵрɵ тутан араас таһымнаах күрэстэр Сунтаарга буолаллар.

Сунтаар спортивнай оскуолата оҕолору успуорка кɵҕүлүүр сыаллаах сотору-сотору араас таһымнаах күрэстэри кыайа тутар. Биир ый иһигэр Тойбохойго, Сунтаарга улуустааҕы уонна Бүлүү түбэтин түмэр тустуу күрэһин тэрийдэ, аны ый түмүгэр хапсаҕай ыытылынна.

Хас биирдии күрэс ааттаах-суоллаах спортсменнарга ананан ыытыллар. Оҕолорго хапсаҕай күрэһэ Кыыл Уолун ансаамбылын кыттыылааҕар, ааттаах тустуукка Семен Зедгенидзев 91 сааһыгар ананан ыытылынна.

Улуустааҕы күɵн күрэскэ 73 оҕо кытынна. Оҕолор бу успуорт кɵрүҥүн олус сɵбүлүүллэрэ муҥутуур кыайыылааҕы быһаарар түһүмэххэ бары суруттарбыттарыттан көстөр.

Сунтаарга оҕо успуордун ɵйүүр дьон элбэҕэ үөрдэр. Уол оҕо эт-хаан ɵттүнэн эриллэн-мускуллан сайдарыгар тустуу уонна хапсаҕай тɵһүү успуорт кɵрүҥнэрэ буолаллар.

Тускулаана ГОРОХОВА-КОБЕЛЬЯНОВА