Сунтаарга «ОйууLook» анимационнай оҕо ойуулуктарын күрэһэ тэрилиннэ

Н.Родионова аатынан Сунтаар оҕо дьоҕурун сайыннарар киин уонна улуустааҕы IT киин  саҥа дьыл иннинэ, Өксөкүлээх Өлөксөй аатынан Граҥҥа «Тобул» саха тылын сайыннарар, үөрэтэр сыһыарыыны оҥоруу» диэн барылынан кыайыылаах буоланнар 500.000 солк. ылары ситиспиттэрэ.

Барыл тутулунан төрөөбүт төрүт тыл күнүгэр сөп түбэһиннэрэн улуустааҕы «ОйууLook» анимационнай оҕо ойуулуктарын күрэһэ тэрилиннэ. Манна 22 айар үлэ киирэн дьүүллүүр сүбэ кэрэхсэбилин ылла.

Ону таһынан робототехника, дроннар күрэстэрэ тэриллэн, кыайыылаахтар  олунньу 20 күнүгэр түмүктүүр тэрээһиҥҥэ наҕараадаланыахтара. Онтон олунньу 27 күнүгэр барыл түмүгэ саха тылын хакатона тэриллиэҕэ. Бу манна кыайбыт хамаанда 50.000 солк. наҕараадаланыаҕа.

Тускулаана ГОРОХОВА-КОБЕЛЬЯНОВА