Хаартыска СӨ Экологияҕа министиэристибэтин пресс-сулууспатыттан
Сунтаар улууһугар ойуур баһаарын умуруорууга илии күүһэ уонна тиэхиньикэ туһаныллар диэн Экология министиэристибэтэ иһитиннэрэр.
Бүгүҥҥү туругунан Сунтаар улууһугар 25 626 га иэннээх сиргэ 4 ойуур баһаара баара бэлиэтэнэр. Онно 105 киһи уонна 6 тиэхиньикэ үлэлии сылдьар. Ойуур баһаарын утары охсуһааччылар минерализацияламмыт балаһалары оҥороллор, уокка утары уоту ыыталлар, бохсуллубут сирдэри кэтииллэр-маныыллар, о.д.а. нэһилиэктэри харыстыыр үлэлэри ыыталлар.
Маннык харгыстыыр балаһалары оҥоруу баһаар саҥа саҕаланан, кыра эрдэҕинэ, атын учаастакка көһөн тарҕамматын туһугар оҥоһуллар. Тыала суох буоллаҕына, сиринэн барар уот тохтуон сөп.
«Билигин булууктаах MTЗ-82 тыраахтырынан минерализацияламмыт балаһалары хорутабыт, ону тэҥэ илиибитинэн күрдьэҕинэн хаһан харгыстары оҥоробут. Бу үлэ түмүгэр, баһаар тарҕаныыта тохтуохтаах, бохсуллуохтаах уонна суох оҥоһуллуохтаах диэн былаанныыбыт», — диэн Сунтаардааҕы ойуур хаһаайыстыбатын инженерэ Петр Захаров кэпсиир.
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…