Хаартысканы Тускулаана Горохова-Кобельянова ыытта.
Сунтаар — Олоҥхо дойдутугар аны Олоҥхо балаҕана аһылынна. Наталья, Эдуард Эконовтар дьиэ кэргэттэрэ бу сайын устата тэлгэһэлэригэр саха балаҕанын туттан үлэҕэ киллэрдилэр.
Көмүлүөк оһохтоох, наара ороннордоох, киэҥ-куоҥ иэннээх сахалыы тыыннаах дьиэ — Олоҥхо балаҕана диэн сүрэхтэннэ. Малааһыҥҥа дьиэлээхтэр чугастарын ыҥыран Кутанаттан Митрофан Семенов уонна Наталья Эконова олоҥхолоон иһитиннэрдилэр. Наталья Ивановна култуураҕа өр кэмҥэ буҕаалтырынан үлэлиир далбар хотун Никандр Тимофеевка уһуйуллан, олоҥхону толорууга билигин бастыҥ киһибитинэн буолар. Улуустааҕы олоҥхо күрэстэрин кыайыылааҕа, Олоҥхо ыһыахтарын биһирэнэр олоҥхону толорооччута буолар.
Мантан инньэ сунтаардар Олоҥхо балаҕаныгар олоҥхо истэр буолуохпут уонна Наталья Ивановна оҕолору норуот уус-уран айымньытыгар, төрүт култуураҕа бу балаҕаныгар уһуйар буолуоҕа. Бэрт да бэрт! Олоҥхо дойдута — Олоҥхо балаҕаннанна!
Тускулаана ГОРОХОВА-КОБЕЛЬЯНОВА
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа эпиири ыытыаҕа. Судаарыстыба баһылыга…
Арассыыйаҕа кутталлаах ыарыыта суоҕун туһунан ыспыраапканы сымыйанан оҥоруу иһин холуобунай эппиэтинэһи киллэриэхтэрин сөп. Бу туһунан…
“Кыһыҥҥы сынньалаҥҥа оҕолор хас күн өрүүллэр?” – диэн төрөппүттэр ыйытыыларыгар РФ Үөрэҕириитин министиэристибэтэ бу курдук…
Арассыыйа бааннарын үгүс өттө, Киин Баан сүрүн ыстаапкатын боппуруоһугар кэлэр мунньаҕар диэри, ипотека ыстаапкатын намтатыыны…
Зеленскэй Донбасстан сэриитин таһаарарын утарар. Ол эрэн АХШ Украина куттала суох буолуутун мэктиэлиирин туруорсар. НАТО-ҕа…