РФ Ис дьыала уорганнарын үлэһитин күнүгэр, бэҕэһээ Сунтаарга аһымал кэнсиэр буолла. Полиция үлэһиттэрэ сылын аайы бар дьоҥҥо ырыа-үҥкүү аргыстаах кэрэ кэнсиэр бэлэх уунар үгэстээхтэр.
Маннык тэрээһин хоруона хамсыгынан тохтуу сылдьыбыт буоллаҕына, быйыл толору тэриллэн көрөөччү олуһун астынна. Бииртэн биир саҥа эҕэрдэ нүөмэрдэр: үлэһиттэр хордара, нарын үҥкүүлэр, ол иһигэр участковай Степан Константинов кэргэнинээн үҥкүүтэ, ГАИ халыҥ хамаандатын, биирдиилээн ырыалара, Валентина, Степан Кардашевскайдар, ыалдьыттар — Сунтаар «сулустара», Тойбохой оҕо дьиэтин иитиллээччилэрэ киһи сүргэтин көтөхтүлэр.
Сүрүн ыалдьыттар инники кэккэҕэ Анатолий Семенов салайааччылаах бэтэрээннэр буоллулар. Манна диэн эттэххэ, милиция, полиция династиялара уонна уол төрөппүт аҕатыгар наҕараада туттарыытын долгутуулаах түгэнин кытта көрдүбүт (Анатолий Степанов полиция начальнига аҕатыгар, милиция бэтэрээнигэр Владимир Степановка). Альбина Прокопьева салайааччылаах Ис дьыала уопсастыбаннай сүбэтэ бу күн анкетирование көмөтүнэн сыл бастыҥ, бастыҥ көрдөрүүлээх, норуот биһирэбилин ылар участковайдары бэлиэтээтэ.
Маны таһынан, участковайдар 100 сылларынан кинигэ бэлэмнэнэ сылдьарын сэргии иһиттим. Быйыл Сунтаар отдела өрөспүүбүлүкэҕэ уопсай көрдөрүүтүнэн үһүс үрдэл буолла. Аны бу кэнсиэртэн киирбит 28 000 солкуобай байыаннай дьайыыга сылдьар уолаттарбытыгар көмө буолуоҕа.
Тускулаана Горохова-Кобельянова.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…