Сунтаарга саха сайдыытын туһунан кэскиллээх кэпсэтии түстэнэр

Сунтаарга саха сайдыытын туһунан кэскиллээх кэпсэтии түстэнэр

Ааптар:
26.02.2024, 15:00
Хаартысканы Тускулаана ГОРОХОВА-КОБЕЛЬЯНОВА тиксэрдэ.
Бөлөххө киир:

Сунтаарга «Күөрэгэй» диэн түмсүү олус таһаарыылаахтык үлэлиир. Түмсүү сахалыы тылы сайыннарыыга, оҕону сахалыы иитиигэ улахан олук уурар. Бу күннэргэ саханы саха дэтэр дьоннортон биирдэстэрин Анатолий Бурнашеву дойдуларыгар ыҥыран умнуллубат көрсүһүүлэри тэрийдилэр.

Төрөөбүт төрүт тыл күннэрин түмүктээн Сибиэрэп киинигэр дьоро түһүлгэ төрүттэннэ. Оҕо-аймах араас сахалыы оонньууну өрө тутан, үөрэн-көтөн илии тутуурдаах буоллулар. Саха оонньуутун үгүһүн уһуйаан үлэһиттэрэ анаан-минээн кэлэн оонньоттулар, кинилэри кэккэ баан үлэһиттэрэ эмиэ көҕү өрө туттулар.

Киһи сөҕөр-махтайар, Сунтаар дьоно олус да элбэх сахалыы оонньууну айан-тутан ыччаты сайыннараллар эбит. Оҕо оонньуур кэмигэр ийэлэр, аҕалар көмүс ньээкэлэрин туһунан, кинилэр инникилэрин түстүүр кэскиллээх кэпсэтиигэ кыттыһаллар. Сэргэх сэһэннээх, кэрэ кэпсээннээх түһүлгэ сүрүн ыалдьыта саха тылын, култууратын сайдыытыгар сүҥкэн кылааты киллэрэ сылдьар Анатолий Бурнашев буолар.

Саха ыччатын инникилиир, кэскиллиир туһугар үлэлэһэ сылдьар күндү киһибитин биһиги дойдуга «Күөрэгэй» түмсүү салайааччыта Сардаана Афанасьева анаан ыҥырбыт. Кэлбит, көрсүһүүгэ сылдьыбыт, толору истибит төрөппүт барыта маннык кэскиллээх кэпсэтиилэр олус туһалаахтарын бэлиэтииллэр. Оҕо оонньуур кэмигэр тɵрɵппүттэр саха сайдыытын туһунан кэскиллээх кэпсэтиини түстүүллэр. Бу курдук ийэ, аҕа оҕолорун илдьэ сылдьан сайдаллар.

Тускулаана ГОРОХОВА-КОБЕЛЬЯНОВА.

+1
3
+1
1
+1
0
+1
0
+1
0
+1
0
+1
0
Бары сонуннар
Салгыы
24 мая
  • 10°C
  • Ощущается: 10°Влажность: 46% Скорость ветра: 1 м/с

Сообщить об опечатке

Текст, который будет отправлен нашим редакторам: