https://t.me/mouo_suntar
Сунтаар улууһугар ахсынньы 24 күнүгэр «Абаҕа» спортивнай комплекска хабылыкка уонна хаамыскаҕа 5-11 кылаас үөрэнээччилэригэр күрэхтэһии ыытылынна. Бу туһунан улуустааҕы үөрэх управлениета иһитиннэрдэ.
Күрэхтэһии Сунтаар улууһун оскуолаларын комплекснай спартакиадатын чэрчитинэн ыытылынна. Тэрээһин сыалынан-соругунан саха норуотун үгэс буолбут оонньууларын үүнэр көлүөнэ ортотугар сөргүтэн, киэҥник тарҕатыы буолар. Үөрэнээччилэр саастарынан икки бөлөххө арахсан сымсаҕа күрэхтэстилэр. Улуус араас оскуолаларыттан эдэр спортсменнар чаҕылхай оонньууну, кыайыыга дьулууру көрдөрдүлэр. Күрэхтэһии түмүгүнэн бастыҥ оонньооччулар уонна хамаандалар быһаарылыннылар, кинилэр мэтээллэринэн, грамоталарынан уонна кубоктарынан наҕараадаланнылар.
Бордоҥ хамаандата бастакы, Күндэйэ — иккис, үһүс — СПТЛ-И буоллулар.
Сунтаар улууһун үөрэҕин салалтата төрүт оонньуулары харыстааһыҥҥа уонна сайыннарыыга сыаналаммат кылаатын иһин хабылык уонна хаамыска федерациятын бэрэссэдээтэлигэр Мария Васильеваҕа, Бордоҥ оскуолатын эбии үөрэхтээһиҥҥэ педагога Дора Ивановаҕа истиҥ махталын биллэрдэ.
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…