Сунтаарга саҥа аспаалламыт суолу арыйдылар

Сунтаар улууһун Сунтаар нэһилиэгэр аспаал үлэтэ түмүктэммит Владимир Павлов аатынан уулуссаны арыйдылар.

Бу күн олохтоохтор  үөрүүлэрин үллэстэ саҥа аспаал суолга муһуннулар. Тэрээһин кэмигэр суолу өрөмүөннүүргэ үлэлээбит сүрүн тэрилтэлэр үлэһиттэрин бэлиэтээтилэр. «Сунтааравтодор» ХЭУо бэдэрээтчит тэрилтэ уулусса тухары аспаалы тэлгэтэн, үлэтин урутаан  түмүктээтэ.

Үлэлэр Өрөспүүбүлүкэтээҕи суол пуондатын уонна олохтоох бүддьүөт үбүн суотугар оҥоһулуннулар. Кэнники сылларга СӨ Тырааныспарга министиэристибэтэ суол тутуутугар уонна өрөмүөннээһиҥҥэ муниципалитеттары өйөөһүҥҥэ үлэтин  күүһүрдүбүтэ көстөр. Сыл ахсын Өрөспүүбүлүкэтээҕи суол пуондатыттан муниципальнай тэриллиилэринэн суол үлэтигэр анаан туспа субсидия көрүллэр.