Сунтаарга социальнай хантараак түһэрсибиттэргэ сэминээр ыыттылар

Сунтаар улууһунааҕы «Мин биисинэһим» киин нэһилиэнньэ социальнай көмүскэллээх буолуутун  управлениетын кытта социальнай хантараагынан үлэлиир дьоҥҥо анаан үөрэтэр сэминээри ыыттылар.

Сэминээргэ бэйэ дьарыктаах дьон “Мин нолуогум” сайабылыанньанан отчуоттуурга уонна хантараакка дуогабар түһэрсэн баран хайдах үлэлииргэ  сүбэ-ама ыллылар. Бу күн «Мин биисинэһим» киин бэрэстэбиитэлэ Александра Иванова уонна социальнай көмүскэл исписэлииһэ Татьяна Егорова биисинэһи тэрийиигэ уонна бэйэлэрин бородууксуйаларыгар сыананы туруорууга сүбэ-ама биэрдилэр. Маны таһынан, үөрэтэр сэминээргэ бэйэ дьарыктаах дьон бородууксуйаларын батаралларыгар сырдатыы үлэтигэр ньымалары билиһиннэрдилэр. «Мин биисинэһим» киин бэрэстэбиитэлэ Александра Иванова маркетинг уонна сыана бэлиитикэтин уопсай бириинсиптэрин туһунан кэпсээтэ. Сэминээр түмүгүнэн кыттааччылар  бу маннык тэрээһин олус наадалааҕын ыйдылар уонна тэрийээччилэргэ махтаннылар.