Сунтаарга сонун лааҕырдар үлэлиэхтэрэ

Сунтаарга төрөөбүт төрүт тылынан саҥарар, кэпсэтэр эйгэни тэрийиигэ анаан анал лааҕырдар үлэлиэхтэрэ. Бу туһунан улуус дьаһалтатын пресс-сулууспата иһитиннэрдэ.

Ол курдук «Барҕарыы» национальнай пуонда Сунтаар улууһун үөрэҕириитин кытта 5 нэһилиэккэ  “Төрөөбүт төрүт тылынан саҥарар, кэпсэтэр эйгэни тэрийии” хайысхатыгар анаммыт лааҕырдары арыйарга  дуогабар түһэристилэр.

Лааҕырдар Сунтаарга, Тойбохойго, Элгээйигэ, Хордоҕойго, Түбэй Дьаархаҥҥа үлэлиэхтэрэ.