Хаартысканы Туску ыытта.
Бүгүн, сэтинньи 8 күнүгэр, сулууспалыы сылдьан олохторун толук уурбут уолаттарбыт ааттарын, хорсун быһыыларын саныыр-ахтар күн. Бу суолталаах күн Тойбохойго ϴйбдɵбүнньүк уруога ыытылынна. Дириҥ ис хоһоонноох аһаҕас уруогу култуура, үɵрэҕирии бастыҥ киһитэ Клара Тихонова иилээн-саҕалаан тэрийдэ.
Хорсун быһыы суолтатын кэпсээн, байаанынан эйэлээх олох түһүн ыллаан, олус истиҥ уонна дойдуга тапталлаах киһини иитэн таһаарар сыаллаах уруок буолла. Быйылгы тэрээһиҥҥэ Кириэстээхтэн, Дьаархантан, Аллыҥаттан оскуола үɵрэнээччилэрэ кэлэн тэрээһин тыынын үрдэттилэр. Үс эдэркээн уолаттар Аркадий Саввинов, Михаил Иванов, Игорь Васильев мэтириэттэрэ үйэ саас хатаммыт ɵйдɵбүнньүгэр венок ууруу туома тэрилиннэ. Тойбохой дьоно, уолаттар тɵрɵппүттэрэ, бииргэ үлэлээбиттэрэ хорсун быһыылаах милиция үлэһиттэрин туһунан истиҥник санаан-ахтан, тыл этэн уйадыттылар, киэн туттууну сахтылар.
Сунтаарга «Бартыһаан пааматынньыга» 1922 сыллаахха бартыһааннары уонна милиция үлэһиттэрин бырааттыы кɵмүүлэрин үрдүгэр турар. Бу дириҥ суолталаах ɵйдɵбүнньүгү үйэтитиигэ кэнники үгүс үлэ барар. Сунтаар улууһун бэтэрээннэрин Сэбиэтин бэрэссэдээтэлэ, милиция бэтэрээнэ Афанасий Васильев туруорсан Бартыһаан тулаһата саҥардыллыбыта уонна сылын ахсын ɵйдɵбүнньүк күннэр бэлиэтэнэр буоллулар.
Сунтаардааҕы Ис дьыала отделын иһигэр История түмэлэ баар. Манна милиция, полиция үлэтэ, албан ааттаахтара сырдатыллаллар. Общественнай Сүбэ бу күннэргэ түмэли видеоҕа хатаан киэҥ эйгэҕэ сырдатта. Ол курдук салайааччы Альбина Прокопьева — нэһилиэнньэ «Сунтаар Дядя Степата» диэн таптаан ааттыыр милицияҕа сулууспатын иһин I, II, III истиэпэннээх милиция бэтэрээнэ Иван Афанасьевич Семенов — кэтэ сылдьыбыт таҥаһын туһунан кэпсээтэ. Ону кытта Семеновтар, Гороховтар, Степановтар, Сергеевтар — милиция-полиция династияларын сырдатта.
Сэтинньи 10 күнэ — Полиция күнэ. Сунтаар полициятын үлэһиттэрэ милиция саҕаттан бу күнү кэнсиэринэн кɵрсɵллɵр. Быйылгы кэнсиэри нэһилиэнньэ эмиэ үɵрэ-кɵтɵ күүтэр. Манна киирбит үп анал байыаннай дьайыыга сылдьар уолаттарбытыгар ананыаҕа.
Хорсун быһыылаахтарбытын умнубаппыт, билигин баары сыаналыыбыт, дьон нус-хас олоҕор туруулаһар дьоммутугар махтанабыт.
Тускулаана ГОРОХОВА-КОБЕЛЬЯНОВА.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…