Бэҕэһээ, муус устар 3 күнүгэр, Сунтаар улууһугар икки микро-оптуобус харсыһыытын түмүгэр, биир киһи суорума суолланна, 14 киһи эчэйдэ. Ол дьонтон сэттэтэ балыыһаҕа киирдэ.
Суол быһылаана киэһэ 19 чаас саҕана Бүлүүлүүр суол 1041 км буолла. Саха сиринээҕи ГИБДД иһитиннэрэринэн, «Соболь» массыына утары балаһаҕа тахсан, «Тойота Хайс» микро-оптуобуска кэлэн түспүт. Харсыһыы түмүгэр «Соболь» массыынаны ыытан испит 64 саастаах суоппар тута тыына быстыбыт. Бу массыына сэттэ пассажира араас эчэйиини ылан, балыыһаланнылар. Ол иһигэр 17 саастаах уол баар. Пассажирдар сорохторо эрэ курдарын баанан олорбуттар эбит.
«Тойотаҕа» суоппары кытта 11 киһи олорсон айаннаан испиттэр. Кинилэр бары курдарын бааммыттар. Мантан сэттэ киһи эт-сиин араас эчэйиитин ылбыт, ким даҕаны балыыһаламматах.
Суоппардар быһылаан кэмигэр арыгы испэтэхтэрэ быһаарыллыбыт. Суол быһылаана Сунтаар сэлиэнньэтиттэн 78 км тэйиччи сытар сиргэ тахсыбыт.
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…