Сунтаарга суут өлөрүөхсүтү 8 сыл хаайыыга ыытта
![](https://sakha-sire.ru/wp-content/uploads/2023/03/vms_4525-900x596.jpg)
Сунтаарга арыгылааһын содулуттан тахсыбыт ыар буруйу ырытыыны түмүктүүр суут буолан ааста. Суут уурааҕынан 37 саастаах эр киһи кырбааһыҥҥа ( п.«в» ч.2 ст.115 УК РФ) уонна өлүү сылтаҕа буолбут ыар эчэйиилэри оҥорууга буруйдааҕынан билиннэ (ч.4 ст.111 УК РФ).
Силиэстийэ уонна суут быһаарбытынан, буруйдаах 2022 сыл сэтинньитигэр Сунтаар улууһун Элгээйитигэр арыгылыы сылдьан билэр киһитин дьиэтигэр ыалдьыттыы кэлбит. Онно дьиэ хаһаайына утуйа сытар эбит, кини дьиэтигэр атын ыалдьыттар бааллар эбит. Саҥа кэлбит дьону эрдэтээҥҥи ыалдьыттар үүрэн көрбүттэр, онтон уордайан буруйдаммыт эр киһи сутуругунан уонна араас малынан охсуталаабыт. Бу түмүгэр иирсээн биир кыттыылааҕа суорума суолламмыт.
Суут буруйа толору дакаастаммытын биллэрдэ уонна буруйдааҕы 8 сыл 2 ый кытаанах эрэсиимнээх холуонньаҕа хаалларарга уураахтаата.
Сообщить об опечатке
Текст, который будет отправлен нашим редакторам: