Сунтаарга сылгылартан куоппут кыыс массыынаҕа киирэн биэрбит

Бэс ыйын 26 күнүгэр күнүс 13:00 чаас саҕана Сунтаар сэлиэнньэтин тиэргэнигэр дьикти суол быһылаана тахсыбыт.

11 саастаах кыыс оҕо сылгылартан куотан иһэн, 50 саастаах суоппар ыытан испит «Тойота Королла Филдер» массыына уҥа кынатыгар алҕас кэтиллэ түспүт.

Оҕону араас эчэйиилээх олохтоох балыыһа хирургическай отделениетыгар киллэрбиттэр. Амбулаторнай эмтэнии анаммыт. ГАИ үлэһиттэрэ быһаарбыттарынан, суоппар арыгы испэтэх, курун баанан олорбут, быйылгы сылга суол быраабылатын кэспэтэх. Ыытар ыстааһа – 13 сыл. Бу чахчынан бэрэбиэркэ барар. Госавтоинспекция суол кыттааччыларыгар дьон мустар сиригэр ордук сэрэхтээх буолалларыгар уонна быраабыланы тутуһалларыгар санатар, диэн Саха сиринээҕи Госавтоинспекция пресс-сулууспата иһитиннэрэр.