Сунтаарга сүппүт балыксыттары 60-тан тахса киһи көрдүүр

Сунтаар улууһугар балаҕан ыйын 23 күнүгэр балыктыы барбыт уонна төннүбэтэх эр дьону көрдүүллэр. Биир балыксыт өлүгүн Бүлүү өрүс кытылыттан булбуттара. Өссө үс киһи ханна бааллара биллибэт.

СӨ Быыһыыр сулууспатын дааннайынан, билигини көрдөөһүн үлэтигэр 63 киһи — быыһааччылар, ГИМС инспектордара, баһаары утары үлэлиир сулууспа үлэһиттэрэ, полицейскайдар уонна олохтоох дьон сылдьаллар. Аҕыс устар суудуна, тоҕус массыына уонна пилота суох көтөр аппараат баар.

Уу аннын гидролокатор көмөтүнэн чинчийэллэр.

Санатан суруйдахха, балаҕан ыйын 24 күнүгэр биир балыксыт өлүгүн уонна Сунтаартан 4 км тэйиччи сиртэн балыксыттар тыыларын булбуттара.