Сунтаарга сүппүт эр киһи өлүгүн быраҕыллыбыт дьиэттэн буллулар

Сунтаар сэлиэнньэтигэр сүппүт 67 саастаах эр киһи өлүгүн быраҕыллыбыт дьиэттэн буллулар. Бу туһунан СӨ Быыһыыр сулууспата иһитиннэрэр.

Сулууспа барыллаан дааннайдарынан, биэнсийэлээх киһини бүтэһигин ыам ыйын 3 күнүгэр көрбүттэр. Сүппүтүн туһунан бэҕэһээ, ыам ыйын 20 күнүгэр, иһитиннэрбиттэр. Бу күн олохтоохтор көрдөөн саҕалаабыттар, чугаһынан баар тутуулары, үүтээннэри көрбүттэр.

Сунтаартан киһини көрдүүргэ быыһааччылар уонна полицейскайдар туруммуттар. Сэлиэнньэҕэ баар быраҕыллыбыт дьиэлэри иккистээн көрбүттэр. Биир дьиэттэн эр киһи өлүгүн булбуттар. Дьыаланан салгыы полиция дьарыктанар.