Сунтаарга «Татыйыына» сыл аайы 600 Пасха килиэбин оҥорор

Сарсын түүн 12 чаастан Пасха күнэ үүнэр. Правлославнай итэҕэллээх дьон бу күнү олус күүтэллэр. Пасха күндү аһын пасхальнай кулиһы Сунтаарга 2007 сылтан оҥороллор.

Пасха күнүн кɵрсɵ 2007 сылтан «Христос тилиннэ» диэн суолталаах суруктаах минньигэс амтаннаах, итэҕэл килиэбэ кууһунан оҥоһуллан атыыга тахсар. Сыл аайы икки күн устата алта сүүс килиэп атыыга тахсар.

Православнай итэҕэллээх дьоҥҥо Пасха бырааһынньык саамай күүтүүлээх ытык күн. Бу күн Сунтаардааҕы таҥара дьиэтигэр мэлииппэ ааҕыллар, анал сулууспа тэриллэр. Пасха сүрүн аһа кулич уонна сымыыт. Килиэби атыыга таһаарыах иннинэ, Владимир аҕабыыт ɵлбɵт мэҥэ уунан ыраастыыр, ас иҥэмтиэлээх буоларыгар туом толорор. 40 хонуктаах астан туттунуу кэнниттэн Христос таҥара тиллибит күнүгэр улахан чалбараҥ тэриллэр. Нэһилиэнньэ пасха килиэбэ атыыга таҕыста да хамаҕатык ылаллар. Пасха — ɵлүүнү кыайбыт ытык күн, ол да иһин «Христос тилиннэ!» — «Дьиҥ чахчы тилиннэ!» диэн ɵрɵгɵйдɵһɵн олоххо тардыһыы күүһүрэр.

Тускулаана ГОРОХОВА-КОБЕЛЬЯНОВА