Сунтаарга туртас мэнээктээбит

Бу күннэргэ айылҕа кыыла туртас Бүлүү Эбэҕэ хаайтара сылдьарын ЫБММ сулууспа байыастара быыһаан тэрилтэҕэ киллэрэн ириэрбиттэрэ.

Оттон бүгүн айылҕа харыстабылын инспектордара кыылы «Тещин Язык» туристическай бааза вольерыгар илдьэн туруордулар. Туругуттан көрөн, чөл буоллаҕына ойуурга ыытыахтара.

Маннык көстүү бастакытын буолла. Кинилэр миграциялыыр кэмнэригэр, быйыл Бүлүүчээҥҥэ оскуола территориятыгар, Уһун Күөлгэ ыал хотонугар киирэ сылдьыбыттарын олохтоохтор ойуурга ыыппыттара бэлиэтэнэр.

Бу өрөбүллэргэ куораттан анал специалист кэлэн миграциялыыр суолларын быһаарар курдук сөптөөх үлэни ыытыаҕа.