Сунтаарга тутулла турар бассейнҥа ититэр ситим холбонно

Сунтаарга Дмитрий Григорьев салайааччылаах «ХОД» чааһынай хочуолунай 2019 сылтан саҕалаан 400 миэтэрэ уһуннаах теплотрассаны тардан, күн бүгүн бассейнҥа сылааһы биэрдилэр диэн улуус дьаһалтатын пресс-сулууспата иһитиннэрдэ.

Хочуолунай элбэх квартиралаах 3 дьиэни, «Тандем» атыы-эргиэн киинин, «Чебурашка» уһуйааны, «Партизан» кулуубу, о.д.а. тэрилтэлэри, чааһынай дьиэлэри ититиинэн, уунан хааччыйан олорор. Билигин аны бассейн  холбонно.

Бу күннэргэ улуус баһылыга Анатолий Григорьев, баһылыгы солбуйааччы Павел Григорьев, тутуу управлениетын салайааччыта Юрий Афанасьев уонна РЭС начаалынньыга Юрий Возненко тэрилтэ үлэтин-хамнаһын билистилэр.