https://t.me/suntaar_ulus
Сунтаар сэлиэнньэтин саамай эдэр, кэскиллээх түөлбэтин — «100 лет ЯАССР» олохтоохторо түмсэн, элбэх оҕолоох ийэҕэ күүс-көмө буоллулар.
Ол курдук, Татьяна Дьяконова 3 оҕо амарах ийэтэ, сайын устата бэйэтин күүһүнэн, оҕолорун көмөтүнэн сип панель (4*6 размердаах) гараас туттан саҕалаабыт. Эдэр ийэ күүһэ-уоҕа, мындыр толкуйа эр киһиттэн итэҕэһэ суохтук туппута киһини сөхтөрдө. Үп-харчы кырыымчык буолан сарайын үлэтэ тохтоон турбут. Ону түөлбэ олохтоохторо биир күн мустан, быһаарсан, тугунан көмөлөһүөххэ сөбүн тобулан, бу өрөбүлгэ гараас силигэ сиппит.
Ньургууна Иванова түөлбэ бөлөҕөр ыҥырыы сурук суруйаатын кытта, аан бастакынан эдэр ыал Эльвира, Андрей Васильевтар матырыйаалынан көмөлөһүөх буолбуттар. Кинилэр улууска биллэр «Чөмчүүк» диэн тутуу хампаанньатын салайааччылара.
Алтынньы 25 күнүгэр түөлбэ олохтоохторо Аркадий Иванов, Игорь Николаев, Валера Дмитриев, Алексей Гуринов, Николай Саввинов, Андрей Васильев, Василий Громов, Павел Иванов буолан үрүтүн сабан, мас көөбүлүн кутан, сарайын туруоран биэрдилэр.
Түөлбэ кэрэ аҥаардара Марина Данилова, Лена Яковлева, Дария Саввинова, Ирина Ноговицына, Ньургууна Иванова плов, шашлык буһаран үлэһит эр дьоннорун итии чэйинэн күндүлээтилэр. Элбэх оҕолоох ийэ, Татьяна үөрүүтэ муҥура суох, үтүө санаалаах дьон элбэҕиттэн соһуйда, уйадыйда да, барыларыгар улахан махталын биллэрдэ.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…