Сунтаарга Уустуйа сэлиэнньэҕэ 1973 с.т. эр киһи өлүгэ булуллубут

Ааспыт сууккаҕа Саха сиригэр 6 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.

Өмөйөкөөн улууһун Уус Ньара бөһүөлэгэр 1995 с.т. доруобуйатыгар улахан эчэйиини ылан балыыһаҕа киирбит.

Дьокуускайга баан счетуттан 6,9 мөл.солк. кэриҥэ харчыны уорбуттар, ону таһына түөкүттэр Жатай бөһүөлэгин олохтооҕуттан 3,1 мөл.солк. харчыны уорбуттар.

Киин куоракка наркотигы сокуоннайа суох эргинии тохтотуллубут, иккиһин итирик туруктаах уруулга олорбут суоппар тутулунна, ону таһынан сымыйа суоппар дастабырыанньатын туһаныы чахчыта билиннэ.

Сунтаар улууһун Дүктүкээн диэн сиргэ,  Уустуйа сэлиэнньэтиттэн 50 км тэйиччи, 1973 с.т. эр киһи өлүгэ булуллубут. Эр киһини мас кэрдэ сырыттаҕына мас баттаабыта быһаарыллыбыт.

Ленскэйгэ саахал түмүгэр «Мухтуйа» 22 км ньиэп тохтубут.

Суукка иһигэр 11 суоппар итирик туруктаах сылдьан тутулунна.