СӨ баһылыгын уонна бырабыыталыстыбатын пресс-сулууспатын хаартыската
СӨ Тырааныспарка уонна суол хаһаайыстыбатыгар министиэристибэтэ көһө сылдьар кэллиэгийэтигэр Сунтаар улууһун Кэмпэндээйи сэлиэнньэтиттэн Өлүөхүмэ куоракка диэри суолу эрэгийиэн бас билиитигэр ылар туһунан быһаарыы ылылынна. Онуоха Ил Дархан Айсен Николаев сорудаҕын толоруу чэрчитинэн, инникитин сылы быһа сылдьар суолу оҥоруохтаахтар.
Бу суолу урут кыһын эрэ Иркутскай уобалас Уус-Кут оройуонуттан чоҕу таһарга эрэ туһаналлара уонна муниципальнай тэриллиилэр күүстэринэн көрөллөрө-харайаллара. Суол 270 килэмиэтир уһуннаах, онтон 170 килэмиэтирэ — Өлүөхүмэ, 100 килэмиэтирэ Сунтаар улуустарын сиригэр-уотугар киирэр.
Өрөспүүбүлүкэ тырааныспарга уонна суол хаһаайыстыбатыгар миниистирэ Владимир Сивцев бэлиэтээн эппитинэн, кыһыҥҥы суолу министиэристибэ Өлүөхүмэ уонна Сунтаар улуустарын дьаһалталарын кытары «Массыына суолун управлениета» уонна «Арктика суоллара» тэрилтэлэр кыттыылаах көрдүлэр.
Суолу эрэгийиэн бас билиитигэр биэрии кэнниттэн кыһыҥҥы суолу оҥоруу, тупсарыы былааннанар. Бу Саха сирин арҕаа өттүн, ол иһигэр Бүлүү бөлөх улуустарын, социальнай-экэнэмиичэскэй сайдыыларыгар бигэ тирэҕинэн буолуоҕа.
Билиҥҥитэ Сунтаар улууһугар таһаҕаһы уонна бородууктаны аҕалыы схемата Дьокуускайынан ааһар. “Өлүөхүмэ-Сунтаар” кыһыҥҥы суолу оҥоруу таһаҕаһы тиэйии-аҕалыы схематын уһунун 2 төгүл кыччатыаҕа, чопчулаан эттэххэ, 1630 килэмиэтиргэ тиийэ. Ону тэҥэ, таһаҕаһы тиэйии сыаната икки төгүл кэриҥэ аҕыйыаҕа.
Бу суолунан Кэмпэндээйи разреһыттан Өлүөхүмэ улууһугар чоҕу тириэрдэргэ табыгастаах буолуоҕа.
(СӨ баһылыгын уонна бырабыыталыстыбатын пресс-сулууспатын матырыйаалларынан)
Саха сиригэр дьарыктаах буолуу сулууспатынан сыл саҕаланыаҕыттан байыаннай дьайыы 25 кыттыылааҕа уонна кинилэр дьиэ кэргэттэриттэн…
Байыаннай дьайыы бэтэрээнэ Айтал Дьячковскай Чурапчы улууһугар Сылаҥҥа 5 №-дээх муниципальнай баһаарынай чааска үлэлиир. Бу…
Бөөлүүн Бүлүү улууһун Үгүлээт нэһилиэгэр хотон умайбытын туһунан хобдох сонун кэллэ. -- Бөөлүүн быһа холуйан,…
Өрөспүүбүлүкэ Борокуратуурата сокуоннай саастарын ситэ илик икки кыыска сыһыаннаах холуобунай дьыаланан буруйдуур түмүктээһини бигэргэттэ. Кинилэр…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Таатта улууһугар Игидэй нэһилиэгэр биһиги биир дойдулаахпыт, оҕобут тэҥэ саныыр күндү кыыспыт Сардаана Попова дириэктэрдээх…