Суох этэрбэһи атыылаабыт

ИДьМ Булуҥ оройуонааҕы салаатын дьуһуурунай чааһыгар олохтоох дьахтартан түөкүннээһин туһунан үҥсүү киирбит.

Ол курдук атыы-эргиэн биллэриитин саайтыгар кини чэпчэки сыанаҕа этэрбэс атыытын туһунан көрбүт. Атыылааччыны кытта билсэн кини 14500  солкуобайы  ыыппыт. Харчыны тутаат, атыылааччы дьахтар сибээстэн сүтэн хаалбыт. ИДьМ холуобунай ирдэбил Управлениетын үлэһиттэрэ 23 саастаах уорбаланааччыны туппуттар. Ол курдук, кыыс атыылыыр этэрбэһэ суох эрээри сымыйанан этэрбэс атыылыыр туһунан биллэриини таһаарбыт. Дьахтартан албыннаан ылбыт харчытын тус наадаларыгар туттубут.

ИДьМ пресс-сулууспата иһитиннэрбитинэн, Арассыыйа Федерациятын холуобунай кодексатын 159 ыст. 2 ч. «Түөкүннээһин» диэнинэн холуобунай дьыала тэриллибит.