Суол быһылааныгар снегоходтаах киһи суорума суолланна

Ааспыт сууккаҕа өрөспүүбүлүкэҕэ буруйу оҥоруу 9 түбэлтэтэ бэлиэтэннэ. Бу туһунан СӨ Борокуратуурата иһитиннэрэр.

Үөһээ Бүлүү улууһугар  1967 сыллаах төрүөх киһини өлөрдүлэр, бу быһылааҥҥа уорбаланааччы ким буолара билиннэ.  Эдьигээн оройуонугар күүһүлээһиҥҥэ сайабылыанньа киирбит.

Дьокуускай куоракка  Космонавтар уулуссаларыгар   суотабай төлөпүөнү күүстэринэн былдьаан ылбыттара бэлиэтэннэ.  Маны таһынан өрөспүүбүлүкэ киин куоратыгар түөкүннээһиҥҥэ, массыынаны күрэтэн барыыга сайабылыанньалар киирдилэр.

Аллайыаха оройуонугар Чокуурдаахтан 6 км сиргэ,  кыһыҥҥы суолга,  1989  сыллаах төрүөх киһи  «Yamaha Professional-2»   снегоходу ыытан иһэн түҥнэстибит. Суол быһылаанын түмүгэр эр киһи суорума суолламмыт.