Суол быһылааныгар сокуоннай саастарын ситэ илик оҕолор эчэйдилэр

Атырдьах ыйын 20 күнүгэр,  11 чаас саҕана, Свердлов уул. 3 нүөмэрдээх дьиэ таһыгар  36 саастаах суоппар   «Toyota Corolla Spasio» массыынанан  Жорницкай уул.  айаннаан иһэн,   6 саастаах кыысчааны түҥнэри көппүт. Кыысчаан сатыы дьон туоруур сиринэн, светофор кыһыл уота холбонон турдаҕына, туораан испит.  Суһал көмө биригээдэтэ оҕону балыыһаҕа илдьибит, кыысчаан сототун тоһуппута быһаарыллыбыт.

Эмиэ бу күн Билибин уул. 45/25 дьиэтин таһыгар  45 саастаах  «Toyota Dyna» массыына суоппара Сэргэлээх шоссетын өттүттэн айаннаан иһэн,  5 саастаах бэлэсипиэттээх оҕо суолга тахсан биэрбитин түҥнэри көппүт. Бу түмүгэр оҕо эчэйиини ылан балыыһаҕа киллэриллибит.

Крупская уулусса уонна Ленин проспегын быһа охсуһууларыгар  28 саастаах  «Toyota Corolla» суоппара  Дежнев уулуссаттан айаннаан иһэн,  самокаттаах 17 саастаах кыыһы түҥнэри көппүт.

Билигин туһааннаах быһылааннарынан бэрэбиэркэ ыытыллар диэн куорат Госавтоиниспиэксийэтэ иһитиннэрэр.