Суол кытыытынан хааман испит дьахтары түҥнэри көппүт

Бэҕэһээ, балаҕан ыйын  11 күнүгэр, ИДьМ Ньурбатааҕы салаатын дьуһуурунай чааһыгар киһи эчэйиилээх суол быһылаана тахсыбытын туһунан иһитиннэрии киирбит.

Бэрэбиэркэ кэмигэр биллибитэ, Ньурба куоракка   28 саастаах  «Тойота Аллион» суоппара  Ст. Васильев уул. өттүттэн Горькай уул. диэки айаннаан иһэн, кыһыл уокка баран,  иннигэр баран иһэр  «Ниссан Террано» массыынаҕа түспүт итиэннэ  суол кытыытынан хааман иһэр дьахтары түҥнэри көппүт. Аны ол кэннэ   парковкаланан турар   «Лада»  уонна  «Сузуки СХ4» массыыналарга баран түспүт.

Быһылаан түмүгэр суол кытыытынан хааман  испит  1996 с.т. дьахтар эчэйиини ылан Ньурба балыыһатыгар киирбит.

«Тойота Аллион» суоппара   9 сыл ыстаастаах эбит. Суол саахалын кэмигэр курунан баанан олорбут.

Билигин суол быһылаанынан бэрэбиэркэ ыытыллар.