Хаартыска: СӨ "Массыына суолларыгар управление" ГКУ
Амма улууһугар “Амма” массыына суолун оҥорооччулар 5,2 км аспаал алларааҥҥы араҥатын уурдулар, диэн СӨ Массыына суолларыгар управлениета иһитиннэрэр.
Атырдьах ыйын бүтүүтэ Ил Дархан Айсен Николаев Амма суолугар аспааллыыр үлэни саҕалыылларын соруйбута.
Билигин аспаалы уурар үлэ “Куттала суох хаачыстыбалаах суоллар” национальнай бырайыак чэрчитинэн 148-тан 155 килэмиэтирдээх учаастакка бара турар.
Өрөмүөннүүр үлэҕэ 24 суол тиэхиньикэтэ үлэлиир. Массыына суолун 7 килэмиэтирдээх учаастагын үлэҕэ киллэрии бу сыл алтынньы бүтүүтэ буолуохтаах.
Бу иннинэ бэдэрээтчит “Автодор” АУо РИК ууну аһардар турбалары уган буорунан саппыта, ону тэҥэ аспаал-бөтүөн собуотун таҥмыта. Аспаалынан-бөтүөнүнэн бүрүйүөх иннинэ буору чиҥэтэр туһуттан тымныы ресайклинг диэн аныгы ньыма туттуллубута. Оччотугар суол туруга бөҕөргүүр, өрөмүөн үлэтэ аччыыр.
Биэс сыллаах былаан быһыытынан 2024-2028 сс. “Амма” суолугар 159 км оҥоһуллуохтаах.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…