Хаартыска: СИА
Киин куоракка хомунаалынай өҥө иһин иэстээхтэри суолга тохтотоллор.
Сыл бастакы аҥаарыгар «Суол приставтара» аахсыйа кыттыылаахтара киин куоракка 50-тан тахса рейдэни ыыттылар. Бу туһунан «Якутскэнергосбыт» хампаанньа информационнай бэлиитикэтин отдела иһитиннэрэр.
Иэстээх дьону буларга анал оборудование көмөлөһөр. Анал оборудованиеҕа холбоммут камера массыына нүөмэрдэрин түһэрэн, суут приставтарын баазатын кытта тэҥниир. Баазаҕа булуллубут иэстээх киһи дааннайын көмпүүтэргэ таһаарар. Оччотугар Госавтоинспекция үлэһитэ тырааныспары тохтотор. «Якутскэнергосбыт» иэстээхтэри кытта кытаанахтык сокуон чэрчитинэн үлэлиир. Дьыала суут уурааҕынан ааһар буоллаҕына, иэстэрин төлөөбөт дьону утары араас дьаһаллары туһаныахтарын сөп:үбү-харчыны хамнастан уонна атын дохуоттан туталлар, малы-салы, счету арестыыллар эбэтэр иэс ылааччыга хааччахтааһыннар киирэллэр», — диэн бэлиэтээтэ исполнительнай үлэҕэ уонна моҥкуруокка отдел начаалынньыга Спартак Дрмоян.
Кини этэринэн, Дьокуускайга хомунаалынай өҥө иһин иэстээхтэргэ 236 мөл. солк. тахса суумаҕа 3,8 тыһыынчаттан дьыала тэриллибит. Хампаанньаҕа сыл бастакы аҥарыгар 45 мөл. солк. тахса суумаҕа иэс харчы хомуллубут.
Баһаарга дьиэ кырыыһата уонна гараас уопсайа 112 кв.м. иэнэ уокка былдьаммыт. Горнай улууһун Бэрдьигэстээх сэлиэнньэтигэр…
Арассыыйаҕа 2025 сыл от ыйын 1 күнүттэн хомунаалынай өҥө тарыыптарын үрдэтии былааннанар. Дойду бырабыыталыстыбатын дьаһалынан,…
Саха Өрөспүүбүлүкэтин Юстицияҕа судаарыстыбаннай кэмитиэтин бэрэссэдээтэлэ Павел Иванов от ыйын 1 күнүгэр, оптуорунньукка, СӨ Ил…
Дьокуускайга куоракка улахан бырааһынньыктар ыытыллар кэмигэр арыгыны атыылыыры хааччахтыырга этии киллэрдилэр, диэн «Эхо столицы» ТГ-ханаала…
От ыйын 1 күнүгэр Арассыыйаҕа Байыаннай дьайыы бэтэрээннэрин күнүн бэлиэтииллэр. Бу бэлиэ СӨ Ил Дархана…
Борокуратуура ирдэбилинэн, Дьокуускай куорат олохтооҕо өрөспүүбүлүкэтээҕи «Дьиэ кэргэн» ийэ хапытаалын - 316,2 тыһ. солк. ылар…