Суол саахалыгар 72 киһи тыына быстыбыт

Быйыл өрөспүүбүлүкэҕэ 649 суол саахала бэлиэтэммит, итиннэ 72 киһи тыына быстыбыт, 867 киһи эчэйбит. Ааспыт нэдиэлэҕэ 10 суол саахала тахсыбыт, 14 киһи эчэйиини ылбыт, итинтэн үһэ – оҕо.

Нэдиэлэ устата Дьокуускайга 3 суол саахала буолбут (36 киһи эчэйбит), Ленскэй улууһугар 2 саахал бэлиэтэммит 4 киһи эчэйбит. Итини тэҥэ, дьон эчэйиилээх суол саахалын туһунан иһитиннэриилэр Алдан, Мэҥэ Хаҥалас, Мииринэй, Хаҥалас улуустарыгар бэлиэтэммиттэр.

Нэдиэлэ устата 75 киһи арыгы испит туруктаах массыына ыытан тутуллубут. Сэтинньи 4-10 күннэригэр суоппардар итирик туруктаах массыына ыытыыларын түмүгэр 3 киһи эчэйбит.

Аны нэдиэлэ устата суоппардар 12,8 тыһ. суол быраабылатын  кэспиттэрэ биллибит, буруйдаах дьону эппиэтинэскэ тардыбыттар.