Суол саахалын кэнниттэн, 6 киһини балыыһаҕа киллэрдилэр

Бүгүн, бэс ыйын 23 күнүгэр, күнүс Покровскайдыыр аартыкка икки массыына харсыста. Бу туһунан Госавтоинспекция иһитиннэрэр.

Саахалга 1952 с.т. суоппар «Nissan» массыынанан Дьокуускай диэкиттэн баран иһэн, светофорга туораары тохтоон турар  «Suzuki Solio» массыынаны кытта харсыспыт.

Балыыһаҕа алта киһини киллэрдилэр, ол иһигэр — 3 оҕону.

Бу суол саахалын түбэлтэтинэн, бэрэбиэркэ ыытыллар. Госавтоинспекция суоппардар болҕомтолоох буолалларыгар ыҥырар. Итии, куйаас күҥҥэ суоппар болҕомтото мөлтөөн, сыыһа-халты туттан кэбиһиэн сөп.